Holanola é un festival musicalmente aberto a moitos estilos, ecléctico, entendendo o encontro como unha mestura de diferentes influencias afastadas do elitismo e cun carácter marcadamente popular. Nese sentido, o programa integra diferentes achegas, desde sons máis locais ata outros universais como o rock’n’roll. Ademais dos concertos, o festival incorpora unha serie de conversacións culturais ao redor da música, os seus contextos e derivas.